Geskryf deur: Liezil van der Schyff
Die Blitsbokke het gisteraand tydens die New York-been van die HSBC Sewesreeks, Fidji met 10 -7 geklop om die goue medalje te wen, en ook die algehele reeks-titel te verower.
Hierdie oorwinning is hul vierde titel in die reeks ná vroeë oorwinnings in Kaapstad, Perth en Vancouver.
Die kaptein van die Blitsbokke, Impi Visser, wat sy 50ste toernooi op die wêreldreeks gespeel het, het Gino Cupido laat deurbreek vir die eerste drie, waarna Tristan Leyds nog ’n drie gedruk het. Nie een van die drieë is verdoel nie.
Fidji het teruggeveg met ’n drie deur Terio Veilawa, maar Suid-Afrika se sterk verdediging het hulle gehelp om die oorwinning te beklink.
In die vroue-eindstryd het Nieu-Seeland vir Australië naelskraap met 22-21 geklop om hul vyfde titel van die seisoen te verower.
Die fokus verskuif nou na die kampioenskap-toernooi wat van 17 tot 19 April in Hongkong beslis word.
