Die Padverkeersbestuurskorporasie sê bedrog met leerlinglisensietoetse het afgeneem sedert die instelling van gerekenariseerde toetstelsels by lisensiesentrums.
Die stelsel, wat in 2012 ingestel is, kies vraestelle elektronies en lukraak, wat dit moeiliker maak vir amptenare om vooraf antwoorde aan aansoekers te verskaf.
Volgens die korporasie het die slaagsyfer van leerlinglisensies van 68 % tot 40 % gedaal, wat daarop dui dat minder onbevoegde bestuurders lisensies bekom.
Die korporasie meen dit sal padveiligheid verbeter en ongelukke help verminder.
Die korporasie waarsku egter dat sommige amptenare steeds probeer om nuwe maniere te vind om leerlinge onwettig te help, en sê verskeie in hegtenisnemings is reeds gemaak.
