18 November 2024
Die minister van korrektiewe dienste, dr. Pieter Groenewald sê sowat 18 000 van die land se gevangenes – oftewel 11% – bestaan uit buitelandse burgers.
In antwoord op ‘n parlementêre vraag van die IVP se Busaphi Machi het Groenewald gesê dat hierdie migrante ‘n reuselas op sy departement se hulpbronne plaas.
Volgens Groenewald sluit dit verhoorafagtende en gevonnisde misdadigers in.
Hy het gemeld dat sy departement in ’n gevorderde stadium van konsultasie met die interdepartementele groepering oor justisie, misdaadvoorkoming en veiligheid is sodat die oortreders hul vonnisse in hul lande van herkoms kan uitdien.
