Boekeblad:
Graffiti se topverkopers vir die week.
10 Brandstapel – Marie Lotz
9 Enigma – Rudie van Rensburg
8 Grensloos – Wilna Adriaanse
7 ’n Ierse knoop – Elsa Winckler
6 Twee halwes maak ’n hele – Marita van der Vyver
5 Jagspinnekop – Erla Diedericks
4 Rebekka van Kameeldoornplaas – Irma Joubert
3 Douwenis – Daniël Lötter
2 Blinde kol – Martin Steyn
1 Op lig – Thilda Nel
Twee halwes maak ’n hele – Marita van der Vyver. R280, Tafelberg
https://graffitibooks.co.za/products/9780624097112
Lira word na ’n Griekse eiland gestuur om by haar ouer halfsuster, Cass, te gaan bly nadat ’n skandaal haar gesinslewe uitmekaar ruk.
Cass se sorgvrye lewe op Lesbos is in skrille kontras met Lira en Eugenie, hulle ma, se perfek voorafbeplande lewe in Kaapstad. Op die eiland ontmoet Lira ook vir Erik, ’n Nederlandse kelner, by een van die plaaslike restaurante.
Eugenie besluit om vir Lira en Cass op die eiland te kom kuier voordat Lira moet terugkeer Kaapstad toe. Sal hulle hul verhouding kan herbou? Sal Eugenie ooit kan leer ontspan en haar skanse laat sak? En sal vampier-Lira uit haar dop kruip en leer om in die oomblik te leef?
Wen die stryd in jou gedagtes, 100 oordenkings – Joyce Meyer. R300, LUX VERBI
https://graffitibooks.co.za/products/9780796324092
Bekende TV-persoonlikheid en topverkoperskrywer Joyce Meyer moedig lesers aan om beheer te neem oor hul negatiewe gedagtes en ’n meer vrugbare lewe te leef met hierdie 100 oordenkings.
Lesers word daagliks gewaarsku teen die slaggate van negatiewe denke en maniere gewys om gesonde gedagtes aan te leer.
Joyce begin elke dag se oordenking met ’n gepaste Bybelteks en sluit dit af met ’n gebed wat die leser sal help om te fokus op elke dag se oorwinning van die stryd in hul gedagtes.
Douwenis – Daniël Lötter. R320, Protea
https://graffitibooks.co.za/products/9781485316411
Douwenis is ’n meesleurende historiese roman oor wat gebeur wanneer ’n gemeenskap se geheime nie langer begrawe kan bly nie.
Wanneer die moord op Hesje van der Merwe die Hantamwyk in rep en roer bring, word die Van der Merwe-familie se naam, eer en skuld onder die vergrootglas geplaas.
Maar elke “getuie” vertel ’n ander weergawe van dieselfde waarheid. Met veelvuldige vertellers en tydspronge ontvou die verhaal rondom die aanloop tot en nasleep van die moord.
Uiteindelik bevind die 21-jarige Carel van der Merwe hom op 1 Julie 1838 in ’n sel in Kaapstad, waar hy op ’n uitspraak wag wat oor sy lewe sal beslis.
Terwyl sy regsverteenwoordigers en die publiek die saak as buitengewoon beskou, word die grense tussen skuld, waarheid en geregtigheid al hoe meer vervaag.
Douwenis is ’n verhaal van mag en afhanklikheid, geloof en geweld, liefde en verraad – en van ’n vonnis wat uiteindelik nie net oor een man gaan nie, maar oor ’n hele gemeenskap se gewete.
Al hierdie boeke sowel as ander nuwe vrystellings en topverkopers is nou beskikbaar by www.graffitiboeke.co.za teen 20% afslag.
KOMPETISIE
Beantwoord die volgende vraag:
Wie het Twee halwes maak ’n hele geskryf?
Whatsapp jou antwoord saam met jou VOLLEDIGE adres na 072 386 5997
Inskrywings sluit Maandag 14/09/2026.
Die wenner sal lukraak gekies word en in volgende week se Nuusweek aangekondig word.
Die pryswenner se boeke sal deur Graffiti versend word en alle navrae moet direk aan Graffiti gerig word by [email protected]
Verlede week se wenner was Samuel van Dyk van Villieria.
