Die konflik tussen Iran en die Verenigde State het weer opgevlam, nadat Iran Amerikaanse militêre teikens in Jordanië met ballistiese missiele aangeval het.
Iran se Revolusionêre Wag sê twee Amerikaanse lugbasisse is getref.
Jordanië se weermag sê hy het intussen agt missiele onderskep, maar het nie gesê waarvandaan dit gelanseer is nie.
Die aanval was volgens Iran ’n vergelding vir Amerikaanse lugaanvalle op Iran se Larak-eiland in die Straat van Hormoes.
Washington sê die aanvalle was daarop gemik om te keer dat Iran verdere seemyne in die strategiese roete plaas.
Die Straat van Hormoes, waardeur ongeveer ’n vyfde van die wêreld se oliehandel beweeg, bly intussen grootliks versper.
