Die Departement van Binnelandse Sake het die parlement ingelig dat nagenoeg R400 miljoen sedert Mei aan die deportasie en repatriasie van onwettige buitelandse burgers bestee is.
Meer as die helfte van dié uitgawes was onbeplan, wat tot ’n oorbesteding van sowat R220 miljoen gelei het.
Die Grensbestuursowerheid het gesê dat ongeveer 90 000 mense die land oor die afgelope drie maande deur die grensposte verlaat het.
Lees ook: D-dag vir onwettige immigrante
Padvervoer het R232 miljoen gekos, terwyl huurvlugte na onder meer Nigerië, die Demokratiese Republiek die Kongo, en Burundi byna R9 miljoen beloop het.
“Teen 19 Augustus beloop die inspektoraat se besteding byna R400 miljoen. Dit maak dit tans ’n oorbesteding van R220 miljoen. Dis waar ons is,” het Hollomby gesê.
Die departement het intussen ’n voorlegging aan die kabinet gedoen vir bykomende befondsing, nadat dit voorheen R60 miljoen uit die Kriminele Bateherwinningsrekening vir die repatriasies goedgekeur het.
Hollomby het onthul dat hy dié uitgawes oorgeskry het om munisipaliteite en diensverskaffers toe te laat om betaal te word.
