Die Nasionale Minimumloonkommissie het ‘n openbare proses begin om insette oor die 2027-aanpassing van die nasionale minimumloon te verkry.
Die aanbevelings sal later vanjaar aan die Minister van Indiensneming en Arbeid voorgelê word voordat die finale verhoging vroeg volgende jaar aangekondig word.
Die minimumloon staan tans op R30.23 per uur, ná ‘n verhoging van vyf persent vroeër vanjaar.
Volgens huidige inflasievooruitskattings kan die minimumloon in 2027 tot meer as R31.50 per uur styg.
Die sperdatum vir openbare voorleggings is 4 September.
