Die DA-leier, John Steenhuisen gaan na verwagting môre sy uittrede uit die party se leierskapwedloop in Durban aankondig.
Volgens mediaberigte wat na bronne in die party verwys, volg dié besluit na toenemende interne wrywing en druk van donateurs.
Kritiek oor sy hantering van die bek-en-klouseer-uitbreking, tesame met omstrede kredietkaart-uitgawes en geskille met senior partylede soos Dion George, wat intussen uit die party bedank het, het sy posisie onhoudbaar gemaak.
Verskeie bronne beweer dat die verhouding tussen Steenhuisen en Helen Zille ’n breekpunt bereik het, met Zille wat glo die burgemeester van Kaapstad, Geordin Hill-Lewis, as opvolger steun.
Fotokrediet: Financial Mail/Veli Nhlapo
