President Ramaphosa vat sy teenstanders vas; sê hy sal bedank as hy gevra word

Marelize Maré

President Cyril Ramaphosa het die Nasionale Uitvoerende Komitee gevra om vir hom ‘n datum te gee waarop hy moet bedank.

Hy het aan sy politieke teenstanders gesê hulle moet ophou om sy uittrede in donker hoekies te bespreek en sê indien die NUK hom vra om te bedank, sal hy dit doen.

Ramaphosa se kommentaar volg nadat gerugte die rondte begin doen het dat hy beplan om ná die G20-leiersberaad as president te bedank.

’n Brief is glo in omloop onder senior ANC-lede in die Oos-Kaap wat eis dat Ramaphosa verwyder en die NUK ontbind moet word.

Die brief versoek dat die NUK met ‘n nasionale taakspan vervang moet word wat deur oudpresident Thabo Mbeki gelei word.

Ramaphosa het intussen gevra dat daar leefstyloudits op alle NUK-lede uitgevoer word en sê die ANC mag nooit in ‘n mafia-styl bestuur word nie.