Esmarie Yssel
Die Gautengse premier, Panyaza Lesufi, het die mosie van wantroue wat deur die DA teen hom in die provinsiale wetgewer ingestel is oorleef.
Die DA se leier in die Goudstad, Solly Msimanga, het die mosie ingedien, omdat Lesufi – volgens hom – nie daarin slaag om die provinsie doeltreffend te bestuur nie. Dit sluit werkskepping, veiligheid en ekonomiese geleenthede in.
Die Openbare Beskermer het ook onlangs bevind dat die daarstelling van die misdaadbestrydingseenheid, AmaPhanyaza, onwettig was.
Dit het ook ‘n rol gespeel in die indiening van die mosie asook die Tembisa-hospitaal-korrupsieskandaal.
Uit die 80 wetgewerlede het 24 ten gunste van die mosie gestem, 54 daarteen en een het buite stemming gebly. Die speaker het nie ’n stem uitgebring nie.
Die EFF en die MK-party het van meet af aan geweier om die mosie te ondersteun, maar die DA het gedink dat die party deur die meerderheid partye gesteun sou kon word.
2 Responses
Hoe sê die Engelse, “birds with the same feathers flock together “,die korruptes sorg vir mekaar
Net so Marinus. Ek stem saam met jou.
En die intelegensie vlak is ook maar nie wat wonders nie.