‘n 11-jarige seun het die afgelope naweek per ongeluk ‘n plaaswerker op ‘n plaas in die Thabazimbi-omgewing in Limpopo doodgeskiet.
Volgens die polisie se woordvoerder, kolonel Malesela Ledwaba, het die tragiese ongeluk Saterdag plaasgevind toe die seun vroegoggend tarentale gaan jag het.
Die werker is in sy bors gewond en is op die toneel dood.
Die seun se 43-jarige pa is op ‘n klag van nalatige hantering van ‘n vuurwapen in hegtenis geneem en het vandag saam met sy seun, in die Thabazimbi-landdroshof verskyn. Die landdroshof het borgtog van R3 000 aan die 43-jarige pa toegestaan.
Die polisiekommissaris in Limpopo, Thembi Hadebe, het intussen die belangrikheid van verantwoordelike vuurwapeneienaaskap beklemtoon.
Die saak is tot Desember vir verdere ondersoek uitgestel.
One Response
Hartverskeurend vir al hierdie mense. Baie tragies.😪😪😪
Sterkte vir julle almal.