Die administratiewe kantoorgebou van die Noord-Kaap Stedelike Kollege in Kimberley is gistermiddag deur vermoedelik ontevrede studente aan die brand gesteek.
Gefrustreerde studente betoog reeds weke lank weens die Nasionale Studentefinansieringskema (NSFAS) se versuim om toelaes te betaal.
Volgens die polisie is die brand geblus en is nog niemand in hegtenis geneem nie.
Die VF Plus-LP en hoofwoordvoerder oor onderwys, dr Wynand Boshoff sê intussen brandstigting is onaanvaarbaar maar meen NSFAS moet gedeeltelik hiervoor verantwoordelik gehou word.
Boshoff sê die krisis is NSFAS se onvermoë om sakgeld elke maand betyds aan studente te betaal, aangesien hierdie betalings deel van die land se maatskaplike vangnet geword het.
Hy sê die groot handelsbanke is toegerus om hierdie funksie te vervul, maar NSFAS volhard in die gebruik van opkomende fintech-ondernemings ter wille van transformasie.
Foto: mynortherncape.tv (Facebook)
One Response
Maak daai kampus toe.
Dié agter geblewenes WIL nié studeer nie.