13 November 2024
Die Gautengse LUR vir onderwys, Matome Chiloane het onthul dat openbare skole in dié provinsie meer as R262-miljoen aan munisipaliteite verskuldig is vir agterstallige diensterekeninge.
Chiloane het in die provinsiale wetgewer in antwoord op ‘n vraag van die DA se Michael Waters gesê dat ouer-beheerliggame verantwoordelik is vir die betaling van artikel-21-skole se rekeninge.
Die departement moet pa staan vir openbare skole wat nie artikel-21-skole is nie se diensterekeninge.
Volgens Chiloane skuld 269 artikel-21-skole nagenoeg R193-miljoen rand – wat tussen 30 en 120 dae agterstallig is.
Hy sê 1 332 nie-artikel-21-skole se skuld beloop R69-miljoen.
