|
Die EFF-leier, Julius Malema glo dat die aandag wat hy verlede week van die Withuis ontvang het, dié party se steun verbeter het in aanloop tot die komende plaaslike regeringsverkiesieng. Malema het tydens ‘n veldtog in aanloop tot Woensdag se tussenverkiesing in Wyk 16 in die Ngwathe-Plaaslike Munisipaliteit in die Vrystaat opgetree. Hy het aan joernaliste gesê dat – ten spyte van teenstanders en die media wat sê die party is besig om te uit te sterf – die EFF steeds relevant is aangesien daar in die Withuis oor die party gepraat is. Amerika se president Donald Trump het tydens sy vergadering met president Cyril Ramaphosa ‘n saamgestelde video van Malema gewys waar hy uitlatings oor witmense, grondgrype en die Kill the Boer-lied gemaak het. Trump wou weet waarom Malema nog nie in hegtenis geneem is vir sy uitlatings. Malema het weer tydens die geleentheid die omstrede lied, Kill the Boer, gesing. |
Luister nou
