|
‘n Skandaal waarin R1,3-miljard glo op ‘n onreëlmatige wyse bestee is, is glo weens die nie-nakoming van wetgewing deur die departement van maatskaplike ontwikkeling in Gauteng, en laat nou kwesbare inwoners sonder die nodige maatskaplike dienste. Die DA se lid in die staande komitee oor openbare rekeninge in Gauteng, Alan Fuchs, sê ten spyte van die ouditeur-generaal se waarskuwings is daar nog geen ondersoeke gedoen nie en niemand is verantwoordelik daarvoor gehou nie. Hy sê die premier van Gauteng, Panyaza Lesufi en die LUR vir Maatskaplike Ontwikkeling, Faith Mazibuko, het versuim om antwoorde te verskaf en dit blyk of hulle die skuldiges beskerm deur forensiese verslae terug te hou wat die wydverspreide korrupsie aan die kaak sal stel. Fuchs sê verskeie nie-regeringsorganisasies is genoop om te sluit weens wanbetaling en honderde mense is sonder die nodige sorg gelaat. Hy sê die DA se lid van die provinsiale wetgewer, Refiloe Nt’sekhe, het intussen ‘n mosie van ondersoek oor die departement se mislukkings ter tafel gelê, maar dit is nog nie bespreek nie |
Luister nou
