Die veroordeelde pedofiel Iain Wares verskyn vandag in die Wynberg-landdroshof vir voorvonnis-argumente.
Die 86-jarige voormalige onderwyser is in Maart skuldig bevind aan die onsedelike aanranding van ’n voormalige leerling by ’n Kaapse skool in 1988.
Wares word ook in die Verenigde Koninkryk gesoek, waar hy teregstaan op meer as 90 aanklagte van seksuele misdrywe teen kinders wat na bewering plaasgevind het toe hy in die 1960’s en 1970’s daar onderwyser was.
Sy vonnisoplegging is al verskeie kere vertraag, onder meer weens veranderinge in sy regsverteenwoordiging en gesondheidskwessies.
Wares bly op borgtog hangende die voortsetting van die saak.
