6 Maart 2025
’n Studie deur die Suid-Afrikaanse Mediese Navorsingsraad toon dat lugbesoedeling in Suid-Afrika die getal sterftes in gemeenskappe wat naby steenkoolkragsentrales geleë is met 6% per jaag verhoog.
Dié navorsing is die eerste in Afrika om werklike data te gebruik eerder as om die uitwerking van lugbesoedeling op gesondheid te modelleer.
Doodsertifikate, gevalle van longontsteking by kinders onder vyf jaar en inligting oor luggehalte van die regering is vir dié studie ontleed.
Die studie is die jongste poging om die gesondheidsinvloed van die land se 14 groot steenkoolkragsentrales – wat meer as 80% van die land se krag voorsien – te bepaal.
