Die minister van finansies, Enoch Godongwana, het aangekondig dat die algemene brandstofheffing vir beide petrol en diesel tydelik met R3 per liter verminder sal word.
Dié noodmaatreël tree in April in werking om die skok van stygende wêreldwye oliepryse, weens die konflik in Iran, te versag.
Sonder dié ingryping sou petrol met sowat R6 en diesel met meer as R10 per liter styg. Motoriste kan egter steeds verhogings van onderskeidelik R3 en R7 per liter te wagte wees.
Die tesourie sê hy monitor die situasie om inflasie te probeer beteuel terwyl ekonomiese groei onder druk bly.
