Walter Ernst
Die Amerikaanse president Donald Trump het ’n finansiële hulppakket van $12 miljard aan Amerikaanse landbouprodusente toegestaan.
Trump het gesê hy neem baie belangrike stappe om Amerikaanse boere te beskerm en te verdedig. Volgens hom is dié stappe nodig weens die skadelike gevolge van sy streng handelspraktyke, insluitend ’n geskil met Beijing, wat sojaboon-uitvoere benadeel het. Sojaboonpryse het skerp gedaal weens verminderde vraag.
Die $12 miljard – wat deur tariefinkomste gefinansier word – sal meestal uit eenmalige betalings aan gewasboere bestaan. Die Amerikaanse regering sal aanvanklik 11-miljard-dollar vrystel.
Trump se aankondiging oor landbouhulp kom te midde van toenemende ontevredenheid met sy ekonomiese beleid, veral oor tariewe en lewenskoste.
Fotokrediet: Chip Somodevilla/Getty Images
