’n Man wat vroeër vandeesweek uit die Jeppe-landdroshof in Johannesburg ontsnap het, is weer in hegtenis geneem.
’n Video wat wyd op sosiale media versprei is, wys hoe Onoshana Thando Sadiki, van die boonste verdieping van die drieverdiepinggebou afklim en weg hardloop. Dit is nie bekend hoe hy daarin kon slaag om die veiligheidswagte by die hof te ontduik nie. Hy is weer in Malvern in hegtenis geneem.
Sadiki het aanvanklik in die hof verskyn op aanklag van huisbraak en diefstal en daar sal na verwagting nou nog oortredings by sy klagstaat gevoeg word.
