Die Suid-Afrikaanse Reserwebank sê hoë skuldvlakke in ontwikkelde lande hou ’n toenemende risiko in vir globale finansiële stabiliteit.
Volgens die Reserwebank se jongste finansiële stabiliteitsverslag moet groot volumes staatskuld in die volgende drie jaar herfinansier word, wat lande meer blootstel aan hoër rentekoerse en veranderende beleggersentiment.
Die president van die Reserwebank Lesetja Kganyago sê die situasie is kommerwekkend, veral omdat lande reeds hoë begrotingstekorte het en uitgawes, onder meer aan verdediging, verhoog.
Die verslag wys ook op risiko’s in die Amerikaanse ekonomie en die uitwerking van hoër oliepryse en internasionale rentekoerse.
