Die Regterlike Dienskommissie (RDK) het president Cyril Ramaphosa eenparig versoek om die Oos-Kaapse regter-president, Selby Mbenenge, te skors.
Dit volg ná ’n bevinding van growwe wangedrag teen Mbenenge, en kom terwyl die parlement voorberei om verrigtinge te oorweeg wat uiteindelik tot sy verwydering uit die amp kan lei.
Mbenenge is vroeër vanjaar is onskuldig bevind aan growwe wangedrag ná bewerings van seksuele teistering, wat verband met seksueel eksplisiete materiaal wat hy glo tussen 2021 en 2022 aan ’n hooggeregshof-sekretaresse, Andiswa Mengo, gestuur het.
Volgens die RDK is die besluit daarop gemik om die integriteit en geloofwaardigheid van die regbank te beskerm.
“Die skorsing dien nie as strafmaatreël nie, maar as ’n voorsorgmaatreël om die integriteit, waardigheid en openbare vertroue in die regbank te beskerm, terwyl die grondwetlike proses sy gang gaan,” sê die RDK in ’n verklaring.
Mbenenge het die skorsing egter teengestaan en aangevoer dat hy reeds op spesiale verlof is wat deur die Hoofregter goedgekeur is en dus geen regterlike pligte uitvoer nie.
Hy het ook aangevoer dat sy aansoek om die RDK se bevinding van growwe wangedrag te hersien, afgehandel moet word voordat enige skorsing oorweeg word.
Die RDK se aanbeveling is na Ramaphosa verwys, waarna hy ’n besluit sal neem oor Mbenenge se formele skorsing, hangende die uitslag van die parlementêre verwyderingsproses.
