14 Oktober 2024
Die polisie het met ‘n ondersoek begin nadat ‘n werknemer van Standard Bank na haar dood geval het van die sesde verdieping van dié bankgroep se hoofkantoor-gebou in Rosebank, Johannesburg.
Die voorval het verlede Maandagmiddag plaasgevind. Volgens die bank se woordvoerder, Ross Linstrom het die mense wat nou saam met haar gewerk het, reeds berading ontvang.
Volgens verskeie berigte het die werknemer glo in die weke voor haar dood met kollegas gepraat oor haar geestesgesondheid.
Die polisiewoordvoerder, luitenant-kolonel, Mavela Masondo sê ‘n geregtelike doodsondersoek word gedoen. Linstrom sê Standard Bank gee sy volle samewerking met die ondersoek.
Die vrou se identiteit is nog onbekend.
