Die omstrede eertydse prokureur, Peet Viljoen, se borgtogaansoek is in die Gespesialiseerde Handelsmisdaadhof in Pretoria van die hand gewys.
Landdros Nica Setshogoe het beslis dat die verdagte nie daarin kon slaag om sy vrylating te regverdig nie.
Viljoen staan saam met sy medebeskuldiges tereg op sowat 400 aanklagtes van onder meer bedrog, diefstal en korrupsie.
Dit hou verband met die beweerde onwettige verkoop van munisipale eiendomme ter waarde van meer as R27 miljoen in 2010.
Viljoen is in Junie uit die VSA gedeporteer nadat hy en sy eggenoot, Melany Viljoen, se toeristevisums verstryk het.
Hy is met sy aankoms by die O.R. Tambo Internasionale lughawe in Gauteng in hegtenis geneem.
Fotokrediet: Katlego Jiyane/EWN
