Die departement van onderwys sê hy is besig om ‘n raad saam te stel wat na maniere moet kyk om opvoedingstandaarde te verbeter.
Dit sluit die slaagsyfer vir matriekulante in, wat in sekere vakke 30% is.
Die minister van basiese onderwys, Siviwe Gwarube, het in antwoord op ‘n parlementêre vraag gesê dat die aanpassing van die slaagsyfer noukeurige oorweging vereis.
Benoemings vir lede van dié raad het reeds gesluit en die departement is besig met die keuringsproses. Volgens Gwarube is die samestelling van ‘n raad ‘n teken van haar toewyding om nie besluite te neem sonder dat die nodige bewyse ingewin is nie.
Die 30%-slaagsyfer is lank reeds ‘n omstrede punt met talle onderwysers en kenners wat meen dat dié slaagsyfer leerlinge benadeel.
