’n Nuwe debat het ontstaan oor die toenemende koste en druk rondom eerstespan-skolesport, veral rugby, ná berigte oor miljoene rande wat daaraan bestee word.
Die Solidariteit Skoleondersteuningsentrum sê skolesport bly belangrik vir ontwikkeling en gemeenskapsbou, maar waarsku dat toenemende besteding en druk rondom eerstespan-rugby die fokus van leerders kan wegskuif.
Die sentrum sê skole moet ’n gesonde balans handhaaf sodat akademie, sport en karaktervorming nie teen mekaar afgespeel word nie.
Die organisasie maan teen ’n wen-ten-alle-koste-kultuur en beklemtoon dat sport deel van ’n gebalanseerde, holistiese opvoeding moet wees, sonder om akademie en welstand te verdring.
Hulle doen ’n beroep op skole om sport so te bestuur dat deelname, groei en die kind se welstand eerste bly, en dat dit steeds die skoolgemeenskap dien.
