20 Desember 2024
Waarskuwing: Die video kan sensitiewe kykers ontstel.
’n Video wat op sosialemediaplatforms versprei is wys hoe die eienaar van die Hanscombes Haven Holiday Resort in Orkney, Marc Hanscombes, Maandag – op die openbare vakansiedag – deur ’n wanordelike skare mense aangerand en met ’n mes in die rug gesteek word.
Die nuusspan het die Hanscombes opgespoor. Marc se seun, Chazic het met Riaan Grobler gesels.
Hy het vertel dat sy pa nog in die hospitaal is nadat die mes aan sy long en lewer geraak het.
Volgens hom het daar glo ongelukkigheid by die besoekers ontstaan toe hulle deur ‘n werknemer gevra is om nié ‘n hubbly bubbly in die oord in te neem nie omdat dit teen die reëls is.
Kyk hier onder na die video en luister na die onderhoud.
