5 Desember 2024
Die hooggeregshof in Pretoria het die bedrog- en korrupsiesaak teen die voormalige speaker van die Nasionale Vergadering, Nosiviwe Mapisa-Nqakula, tot 20 Januarie uitgestel.
Dit volg nadat sy vanoggend vlugtig in die hof verskyn het.
Mapisa-Nqakula – wat op 12 aanklagte van korrupsie en een van geldwassery teregstaan – is borgtog van R50 000 in April toegestaan.
Sy word daarvan aangekla dat sy omkoopgeld van R4,5-miljoen ontvang het.
Regter Aubrey Ledwaba het die aangeleentheid uitgestel, om die staat toe te laat om deur die hofdokumente te gaan.
