Die Konstitusionele Hof het ’n aansoek deur voormalige presidente Jacob Zuma en Thabo Mbeki van die hand gewys om regter Sisi Khampepe van die WVK-sake-ondersoek te laat onttrek.
Khampepe sal dus voortgaan as voorsitter van die ondersoek.
Zuma en Mbeki het aangevoer dat haar vorige rolle op die Waarheids-en-versoeningskommissie se Amnestiekomitee en as adjunk-nasionale direkteur van openbare vervolgings ’n botsing van belange skep en die indruk van partydigheid kan wek.
Die Konstitusionele Hof het nou die voormalige presidente se poging om ’n vroeëre Hooggeregshof-uitspraak te laat hersien en tersyde stel, van die hand gewys.
