‘n Graad 4-leerling aan ‘n Limpopo-laerskool is dood nadat hy per ongeluk ‘n pendoppie ingesluk het.
Die kind was ‘n leerling aan die Moriting-laerskool buite Polokwane/ Pietersburg.
Die woordvoerder van die onderwysdepartement in Limpopo, Matome Taueatsoala, sê die kind is na ‘n hospitaal gehaas nadat hy vir sy onderwyser gesê het dat hy sukkel om asem te haal.
Hy is egter in die hospitaal dood verklaar.
Die LUR vir onderwys in Limpopo, Mavhungu Lerule-Ramakhanya het haar medelye met die seun se familie, en die skool betuig. Beraders is na die skool gestuur.
