20 Januarie 2025
Die man wat daarvan aangekla word dat hy sy pa, ma en suster vroeër vandeesmaand in hul huis in Rondebult, Germiston vermoor het, Eugene Botha het vandag in die hooggeregshof in Johannesburg skuld beken op drie aanklagte van moord, asook aanklagte van die onwettige besit van ’n vuurwapen en ammunisie.
Die 43-jarige Botha het in ‘n beëdigde verklaring erken dat hy sy familielede vermoor het NA ’n hewige rusie.
Volgens Botha het hy beheer oor sy emosies verloor waarna hy sy ma en suster met ’n hamer oor die kop geslaan en sy pa doodgeskiet het.
Die vuurwapen was wettig in sy pa se besit.
Hul liggame is agterop ’n verlate bakkie gevind.
FOTO: MAROELA MEDIA
