Die parlementêre ad hoc-komitee wat korrupsie in die land se strafregstelsel ondersoek, het geen bewyse gevind wat daarop dui dat die geskorste minister van polisie, Senzo Mchunu en ander senior amptenare bande met misdaadnetwerke het nie.
Dit sluit die geskorste nasionale adjunkpolisiekommissaris, Shadrack Sibiya, asook die hoof van die Ondersoekdirektoraat teen Korrupsie, advokaat Andrea Johnson, in.
Die verslag wys egter op uitvoerende aanspreeklikheid ten opsigte van Mchunu, sowel as integriteitskwessies wat nie opgelos is nie.
Wat luitenant-generaal Sibiya betref, het die verslag ernstige, onopgeloste kwessies uitgewys, maar kon konkreet bevind dat Sibiya nie namens Vusimuzi “Cat” Matlala, die omstrede sakeman, Brown Mogotsi of enige georganiseerde misdaadnetwerk opgetree het nie.
Volgens die komitee se konsepverslag is daar geen bewyse van bande met misdaadsindikate nie.
Verdere wysigings word aan die verslag aangebring alvorens die finale verslag aan die speaker van die Nasionale Vergadering oorhandig sal word.
Komiteelede het die verslag as verwater bestempel en aangevoer dat die meeste van hul aanbevelings geïgnoreer het.
