Eskom het begin om ‘n nuwe, onafhanklike filiaalmaatskappy op die been te bring om meer beleggings na die nutsmaatskappy se hernubare-energie-portefeulje te lok.
Die nasionale kragvoorsiener sê hy het ‘n tender uitgereik om ervare kundiges te lok om dié maatskappy te ontwerp en op die been te bring.
Eskom het aangedui dat hy voornemende tenderaars se geskiedenis noukeurig sal nagaan voordat ‘n aanstelling gedoen sal word om die nuwe onderneming te begin.
Dié maatskappy sal as die Renewable Energy Company, RECo, bekend staan en geleenthede skep vir openbare-private vennootskappe by hernubare projekte.
Die kragvoorsiener se uitvoerende hoof, Dan Marokane, sê die aangestelde maatskappy sal help om te besluit wat RECo verantwoordelik voor sal wees, watter oorsigmaatreëls in plek sal wees, en hoe die maatskappy geld gaan maak.
Die nuut-gestigde maatskappy sal sy eie raad, en uitvoerende bestuurspan hê, met ‘n onafhanklike korporatiewe- en regstruktuur.
