‘n Egpaar is lewendig begrawe in ‘n modderstorting wat twee huise in KwaMakhutha- suid van Durban – vanoggend meegesleur het.
Modderstortings en oorstromings kom voor na swaar reën gisteraand in die Amanzimtoti-omgewing voorgekom het.
Volgens ALS-paramedici se Garrith Jamieson het grondwalle agter een van die huise meegegee en die inwoners vasgekeer. Hy sê die egpaar se drie kinders kon daarin slaag om uit die huis te ontsnap.
Dit is in hierdie stadium nie bekend hoe oud die kinders is wat die voorval oorleef het nie. Intussen is daar na bewering nog ‘n man dood toe hy in sy huis vasgekeer is. Daar word nog in die puin na hom gesoek.
