Die DA vra dat ‘n onmiddelike ondersoek van stapel gestuur moet word, na dit aan die lig gekom het dat die Misdaadintelligensie-eenheid van die Suid Afrikaanse Polisiediens nóg ‘n multi-miljoen rand eiendom aangekoop het.
Die eiendom in Berea in Durban is vir R22,8-miljoen aangekoop, hoewel die eiendom gelys was vir R9,5-miljoen.
Vroeër die jaar het dit aan die lig gekom dat die eenheid ‘n hotel ter waarde van R22,7-miljoen in die noorde van Pretoria aangekoop het.
Die DA se woordvoerder oor staatsveiligheid, Dianne Kohler Barnard sê dit wil ook voorkom of Misdaadintelligensie nie die departement van Openbare Werke ingelig het oor die aankoop nie.
