Die Gautengse departement van gesondheid sê die Ekurhuleni-brandweer is vanoggend na die Tembisa-hospitaal ontbied nadat daar vermoedelik wéér ‘n brand uitgebreek het.
Tagtig pasiënte moes die afgelope naweek inderhaas ontruim word nadat ‘n brand by die ongevalle-eenheid van dié hospitaal aangemeld is.
LEES OOK: Herstelwerk by Tembisa-hospitaal sal nie vinnig kan begin nie
Volgens die departement word die buite-pasiënte-afdeling van die hospitaal deur vanoggend se voorval geraak.
Dié eenheid grens aan die ongevalle-eenheid wat Saterdag beskadig is.
Meer inligting sal deur die loop van die dag uitgereik word.
MEDIA STATEMENT || FIRE BRIGADE CURRENTLY ATTENDING TO WHAT LOOKS LIKE ANOTHER FIRE INCIDENT AT TEMBISA HOSPITAL – 07:00 pic.twitter.com/3AWWnPFJVI
— Gauteng Health (@GautengHealth) April 23, 2025
