5 Februarie 2025
Die Afrikaans Hoër Meisieskool in Pretoria het ‘n nuwe skoolhoof nadat Marna Jordaan aan die einde van verlede jaar afgetree het ná ‘n 16 jare lange loopbaan as hoof van die skool.
Die voorsitter van die AHMP se skoolbeheerliggaam, Ronel de Kock het op 5 Februarie in ‘n video op sosiale media aangekondig dat Zinnette de Wet in die pos aangestel is, en dat sy vanaf 1 April 2025 die leisels amptelik by Jordaan oorneem.
De Wet is die skool se sesde skoolhoof in sy 105 bestaansjare. In die video het De Wet gesê dat die dogterskool-kultuur haar baie na aan die hart lê, en dat sy opgewonde is om ‘n betekenisvolle rol te kan speel in die lewe van elke Affie.
“Elke tree wat ons as opvoeders gee is instrumenteel, en daarom is ek onsettend dankbaar vir elke mentor, en skoolgemeenskap waarvan ek al deel kon wees,” sê De Wet.
