Die minister van openbare werke en infrastruktuur, Dean Macpherson het vanoggend die media ingelig oor die onlangse strukturele ineenstortings in verskeie dele van die land.
Hy het veral gefokus op die afgelope vier voorvalle in Redcliff in Ethekwini, Doornkop in Soweto, Magnolia in Seepunt en Ormonde.
Macpherson sê 17 mense is dood in die vier voorvalle en alhoewel elke voorval verskil, is die grootste rede vir die ineenstortings nie-nakoming.
Hy sê daar behoort ‘n stelsel ingestel te word wat werkers beskerm en inwoners van gemeenskappe se vertroue sal wen.
