Die organisasie Women and Men Against Child Abuse sê die herhaalde uitstel van die vonnisverrigtinge teen die veroordeelde pedofiel Iain Wares ontneem slagoffers in Suid-Afrika en Skotland van geregtigheid.
Die 87-jarige voormalige onderwyser is in Suid-Afrika skuldig bevind aan die onsedelike aanranding van ’n voormalige leerling by Rondebosch Boys’ Preparatory School.
Sy vonnisverrigtinge is weer uitgestel weens swak gesondheid en sal na verwagting in Augustus hervat word.
Die organisasie waarsku dat die vertragings ook sy beplande uitlewering aan Skotland, waar hy op verdere aanklagte van seksuele misbruik van kinders tereg moet staan, kan beïnvloed.
