Die DA sê hy gaan vanoggend ’n omvattende dossier by die Suid-Afrikaanse Menseregtekommissie indien om ondersoek in te stel na wat hy beskryf as wydverspreide mislukkings deur staatsdepartemente om gevalle van tienerswangerskappe aan te meld, wat in baie gevalle moontlik op statutêre verkragting kan dui.
Die party sê sy Taakspan teen Geslagsgebaseerde Geweld sal die dossier by die SAMRK se kantore in Johannesburg oorhandig.
Onder die verteenwoordigers wat teenwoordig sal wees, is verskeie DA-parlementslede, insluitend die woordvoerders oor vroue en jeug, polisie, maatskaplike ontwikkeling en gesondheid.
