Die DA het die departement van internasionale betrekkinge en samewerking se versoek aan die Verenigde Nasies se Veiligheidsraad om stappe teen Amerika oor Venezuela te doen, as skynheilig bestempel.
Die party sê Rusland se inval in Oekraïne is ’n bewys daarvan.
President Nicolás Maduro en sy vrou, Cilia Flores is Saterdag in Caracas deur VSA-magte gevange geneem.
Die DA sê dit toon duidelik die ANC se selektiewe politieke siening en skynheilige optrede wanneer dit by internasionale sake kom.
Die DA sê in diplomatieke betrekkinge is daar nie plek vir teenstrydighede en inkonsekwente optrede nie.
Intussen het Maduro en sy vrou reeds vlugtig in ’n hof in New York verskyn.
Hul saak gaan weer op 17 Maart hervat.
Fotokrediet: EWN
