22 Januarie 2025
Eugene Botha van Rondebult naby Germiston is vroeër vanmiddag lewenslange gevangenisstraf opgelê in die Johannesburg hooggeregshof vir die moord op sy ouers, en suster.
Die 43-jarige Botha het skuld beken op aanklagte van moord op sy 72-jarige pa, Johan, sy 69-jarige ma, Rikkie en sy 36-jarige suster, Soné.
Volgens sy bekentenis het hy hulle op 1 Januarie 2024 in die gesinswoning in Rondebult naby Germiston vermoor, deur hulle met ‘n hamer aan te val. Hulle liggame is in ‘n bakkie in ‘n veld gevind.
Behalwe vir die lewenslange gevangenisstraf vir die drie moorde is hy ook gevonnis tot 15 jaar gevangenisstraf vir die onwettige besit van ‘n vuurwapen, vyf jaar vir die onwettige besit van ammunisie en drie jaar vir dwarsboming van die gereg gevonnis.
