18 Desember 2024
Die Nasionale Instituut vir Oordraagbare Siektes (NIOS) sê daar is tans ‘n beduidende toename in die aantal Rubella-gevalle wat aangemeld word.
Rubella staan ook meer bekend as Duitse Masels.
Volgens Nios is 8 700 positiewe gevalle die afgelope paar maande aangemeld. In 98% van dié gevalle was die pasiënte jonger as 15 jaar oud, met die meeste pasiënte tussen 5- en 9 jaar oud.
‘n Patoloog verbonde aan die Sentrum vir Entstowwe en Immunologie, dr Kerrigan McCarthy meen kinders kry dit maklier omdat hulle nie voorheen daaraan bloot gestel is nie, of het geen inenting ontvang nie.
Duitse Masels veroorsaak infeksie en ‘n uitslag in beide kinders en volwassenes. Verder kan ‘n persoon se limfkliere swel, en hoofpyn kom ook voor.
