Iran se minister van buitelandse sake, Abbas Araghchi, het Vrydag bevestig dat die Seestraat van Hormoes vir alle handelsvaartuie gedurende die oorblywende skietstilstand oop sal bly.
Hy sê skepe kan reeds die strategiese vaarweg langs die gekoördineerde roete oorsteek soos wat deur Iran se hawens- en seevaart-organisasie bepaal is. Die waterweg is van kritieke belang vir wêreldwye oliehandel, aangesien sowat ’n vyfde van globale olie daardeur vervoer word.
Die verwikkeling volg op die skietstaking tussen Israel en Libanon wat die Amerikaanse president, Donald Trump, Donderdag aangekondig het. Trump het Iran aankondiging op sy Truth Social-platform verwelkom en sy dank uitgespreek.
Intussen dui skeepsdata daarop dat die eerste tenkskepe reeds die gebied begin verlaat. Dié stap bring groot verligting vir internasionale handelsroetes wat weens die spanning tot stilstand gedwing is.
Oliepryse het Vrydag met meer as 10% getuimel nadat Iran die aankondiging oor die heropening van die seestraat gedoen het.
