5 November 2024
Die Gautengse LUR vir finansies en ekonomiese ontwikkeling, Lebogang Maile, vra dat die president ‘n noodtoestand afkondig weens die hoë voorkoms van vergiftiging van kos wat by informele handelaars gekoop word.
Maile sê die toestand het hande uitgeruk en daar kan nie elke week kinders begrawe word weens dié oorsaak nie.
Die LUR het tydens ‘n media-inligtingsessie in Alexandra gesê wetstoepassers moet verantwoordelik gehou word vir die voortgesette wetteloosheid deur sommige spaza-winkeleienaars.
Die nadoodse ondersoek van ‘n aantal kinders wat verlede maand in Naledi dood is het gewys dat hulle ‘n organofosfaat – wat as kommersiële plaagdoder in landbou gebruik word – ingekry het.
