Marelize Maré
President Cyril Ramaphosa het die Spesiale Ondersoek Eenheid se hoof, Andy Mothibi as die nuwe Direkteur van Openbare Vervolgings aangestel.
Die presidensie het gisteraand aangekondig dat sy termyn aanstaande maand sal begin.
‘n Paneel het in Desember onderhoude met kandidate gevoer, maar het besluit om nie een van hulle vir die pos voor te stel nie.
Die woordvoerder in die presidensie, Vincent Magwenya sê Mothibi was voorheen in verskeie openbare en privaat sektore gedien en was die hoof van regsdienste by die Suid-Afrikaanse Inkomste Diens.
Die huidige NVG hoof, advokaat Shamila Batohi, se termyn eindig die einde van die maand.
Leonard Lekgetho is as die waarnemende hoof van die Spesiale Ondersoek Eenheid aangestel.
Fotokrediet: Special Investigating Unit-SA
