‘n Passasier van ‘n afleweringsvoertuig het ‘n lewensgevaarlike, allergiese reaksie getoon nadat hy verskeie kere deur perdebye gesteek is.
Volgens Arrive Alive, is verskeie nooddienste ontbied na die Lions River-gebied in Howick waar hulle ‘n bewustelose man aangetref het. Die afleweringsvoertuig het glo ‘n perdebynes versteur waarna die perdebye die man aangeval het.
Volgens Arrive Alive het die pasiënt se liggaam in anafilaktiese skok gegaan, en moes hy spesiale medikasie toegedien word om die allergiese reaksie teen te werk.
Hy word tans in ‘n hospitaal behandel. Arrive Alive sê die voorval dien as ‘n herinnering vir die publiek om versigtig te wees, en op die uitkyk te wees vir bye- en perdebyneste.
