‘n Graad 10-leerling aan die Glenwood Hoërskool in Durban is dood toe hy gistermiddag saam met sy span opgewarm het vir ‘n hokkiewedstryd.
Die leerlinge het sokker gespeel om op te warm toe hy skielik ineenstort. Die skool het die voorval bevestig. Volgens die KwaZulu-Natalse onderwysdepartement het die kind gevra of iemand in sy plek kan speel, waarna hy kantlyn toe beweeg het.
Die kind het toe glo skielik inmekaar-gesak en ondanks pogings deur die skool se personeellede en die ALS-nooddienste is die kind op die toneel dood verklaar.
Die LUR vir onderwys in KwaZulu-Natal, Sipho Lomukahet sy medelye met die kind se familie betuig. Hy sê ondersteuningsdienste is onmiddellik aan leerlinge en personeel gebied.
