1 Oktober 2024
Die DA sê hy sal aan die voorsitter van die portefeuljekomitee vir korrektiewe dienste skryf en vra vir ‘n vergadering met dié departement, asook die departement van justisie en die polisie.
Dit kom nadat die openbare beskermer haar verslag oor Thabo Bester se ontsnapping vrygestel het.
Volgens die DA se Jahno Engelbrecht is dit skokkend dat die departement nagelaat het om die betrokke owerhede betyds in kennis te stel van die ontsnapping – ten spyte van tekens dat hy ontsnap het.
Bester het ‘n liggaam as sy eie voorgehou en dit saam met sy sel aan die brand gesteek om dit te laat laak asof hy doodgebrand het, terwyl hy in die proses ontsnap het.
Engelbrecht sê Bester se ontsnapping het nie net gapings in die land se korrektiewe-stelsel uitgewys nie, maar ook gevaarligte laat flikker oor die doeltreffendheid van samewerking tussen die privaatsektor en staatsdepartemente.
