Die Duitse motorvervaardiger, Audi gaan minstens vier van sy handelaars in Suid-Afrika sluit.
Dit kom kort nadat Volvo aangekondig het dat hy 60% van sy handelaars in die land gaan sluit. Audi sê hy moes aanpas by veranderende markte, en die uitdagings wat ondervind word.
Volgens die motorvervaardiger plaas hoë inflasie, stygende rentekoerse, en ‘n swak wisselkoers druk op die luukse motorbedryf. Audi meen Suid-Afrikaners is genoop om goedkoper motors te koop.
Audi sê verder in ‘n verklaring dat die motorbedryf in Suid-Afrika beter deur die regering ondersteun moet word.
Die motorvervaardiger sê Suid-Afrika se stadige vordering om elektriese motors in te voer, maak dit moeilik vir Audi om kop bo water te hou vanweë die vervaardiger se belange in die elektriese motorbedryf.
Die handelaars wat sy deure gaan sluit is in Durban, eMalahleni, die Oos-Rand van Johannesburg en Pietermaritzburg.
Foto: Briefly News
